abhi chaman abhi gul bas yahi saman dekha

abhī chaman abhī gul bas yahī samāñ dekhā

qafas ko bhī mirī āñkhoñ ne āshiyāñ dekhā

qafas ko dekh ke jab sū-e-āshiyāñ dekhā

zamīñ se charḳh tak uThtā huā dhuāñ dekhā

jo kah ke lafz-e-vafā chup rahā to vo bole

kahāñ se chhoḌ dī zālim ne dāstāñ dekhā

taḌap ke aap hī bāhar thā aap parde ke

nigāh-e-yās se yuuñ sū-e-pāsbāñ dekhā

na pūchh dasht-e-tamannā kī vārdāt na pūchh

har ek zarre ke parde meñ āsmāñ dekhā

taḌap naqāb kī thī yā jhalak thī parde kī

abhī kalīm ne jalva tirā kahāñ dekhā

chhupe the abr kī rag rag meñ taar bijlī ke

bharī bahār meñ jab sū-e-asmāñ dekhā

abhi chaman abhi gul bas yahi saman dekha

qafas ko bhi meri aankhon ne aashiyan dekha

qafas ko dekh ke jab su-e-ashiyan dekha

zamin se charKH tak uThta hua dhuan dekha

jo kah ke lafz-e-wafa chup raha to wo bole

kahan se chhoD di zalim ne dastan dekha

taDap ke aap hi bahar tha aap parde ke

nigah-e-yas se yun su-e-pasban dekha

na puchh dasht-e-tamanna ki wardat na puchh

har ek zarre ke parde mein aasman dekha

taDap naqab ki thi ya jhalak thi parde ki

abhi kalim ne jalwa tera kahan dekha

chhupe the abr ki rag rag mein tar bijli ke

bhari bahaar mein jab su-e-asman dekha