abhi hawas ke hazaron bahane zinda hain
abhī havas ke hazāroñ bahāne zinda haiñ
na.ī rutoñ meñ shajar sab purāne zinda haiñ
fazā-e-mehr-o-mohabbat kī dāġh-dārī ko
dhuāñ ugalte hue kār-ḳhāne zinda haiñ
mujāvirān-e-tamannā to mar ga.e kab ke
darūn-e-jism ka.ī āstāne zinda haiñ
javāz koī nahīñ hijratoñ se bachne kā
ham is dayār meñ kis ke bahāne zinda haiñ
ajab tilism hai jañgal ke un daraḳhtoñ kā
parinde mar bhī chuke āshiyāne zinda haiñ
khudā.iyoñ meñ milegā gadā-e-ishq kā taaj
sar-zamīñ to havas ke zamāne zinda haiñ
abhi hawas ke hazaron bahane zinda hain
nai ruton mein shajar sab purane zinda hain
faza-e-mehr-o-mohabbat ki dagh-dari ko
dhuan ugalte hue kar-KHane zinda hain
mujaviran-e-tamanna to mar gae kab ke
darun-e-jism kai aastane zinda hain
jawaz koi nahin hijraton se bachne ka
hum is dayar mein kis ke bahane zinda hain
ajab tilism hai jangal ke un daraKHton ka
parinde mar bhi chuke aashiyane zinda hain
khudaiyon mein milega gada-e-ishq ka taj
sar-zamin to hawas ke zamane zinda hain
- Book : Kulliyat-e-Asad Badayuni (Pg. 338)
- Author : Asad Badayuni
- Publication : National Council for Promotion of Urdu language-NCPUL (2008)
- Edition : 2008
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
