abhi jawani hai mai-kade par abhi to baadal bhi hai ghanera

abhī javānī hai mai-kade par abhī to bādal bhī hai ghanerā

abhī to zinda hai husn saaqī abhī salāmat hai ishq merā

vo shab kī sāñseñ ukhaḌ rahī haiñ vo laḌkhaḌāne lagā añdherā

uTho musībat-kasho uTho bhī uTho ki hone ko hai saverā

mujhe na mahbūs kar sakegī kisī bhī pāzeb kī chhanā-chhan

giraft kī manziloñ se aage guzar chukā hai shu.ūr merā

vo sarmadī sā hasīñ tarannum latīf hoñToñ kā ik tabassum

mujhe ye ehsās kyoñ hai paiham ki jaise kuchh kho gayā hai merā

nazar uThānā idhar na 'afsar' burā hai ye dollaroñ kā chakkar

udhar udhar ho ga.ī safā.ī jidhar jidhar us ne haath pherā

abhi jawani hai mai-kade par abhi to baadal bhi hai ghanera

abhi to zinda hai husn saqi abhi salamat hai ishq mera

wo shab ki sansen ukhaD rahi hain wo laDkhaDane laga andhera

uTho musibat-kasho uTho bhi uTho ki hone ko hai sawera

mujhe na mahbus kar sakegi kisi bhi pazeb ki chhana-chhan

giraft ki manzilon se aage guzar chuka hai shuur mera

wo sarmadi sa hasin tarannum latif honTon ka ek tabassum

mujhe ye ehsas kyon hai paiham ki jaise kuchh kho gaya hai mera

nazar uThana idhar na 'afsar' bura hai ye dollaron ka chakkar

udhar udhar ho gai safai jidhar jidhar us ne hath phera