abhi kya umr hai meri wafa ki

abhī kyā umr hai merī vafā kī

darāzī chāhiye zulf-e-rasā kī

kalī murjhā ga.ī marzī ḳhudā kī

bahut shabnam ne ro ro ke duā kī

dar-e-pīr-e-muġhāñ allāhu-akbar

barastī hai jahāñ rahmat ḳhudā kī

zarā kar but-kade kī sair vaa.iz

nazar aane lage qudrat ḳhudā kī

koī us ke sivā ho bhī to ai shaiḳh

zarūrat kyā hai tark-e-mā-sivā kī

jo dekhī mere vīrāne kī raunaq

to āñkheñ khul ga.iiñ bād-e-sabā kī

banegī ek din apnī misāl aap

vafādārī 'shafīq'-e-mubtalā kī

abhi kya umr hai meri wafa ki

daraazi chahiye zulf-e-rasa ki

kali murjha gai marzi KHuda ki

bahut shabnam ne ro ro ke dua ki

dar-e-pir-e-mughan allahu-akbar

barasti hai jahan rahmat KHuda ki

zara kar but-kade ki sair waiz

nazar aane lage qudrat KHuda ki

koi us ke siwa ho bhi to ai shaiKH

zarurat kya hai tark-e-ma-siwa ki

jo dekhi mere virane ki raunaq

to aankhen khul gain baad-e-saba ki

banegi ek din apni misal aap

wafadari 'shafiq'-e-mubtala ki