abhi makan main abhi su-e-la-makan hun main

Fareed Javed

abhi makan main abhi su-e-la-makan hun main

Fareed Javed

MORE BYFareed Javed

    abhī makāñ maiñ abhī sū-e-lā-makāñ huuñ maiñ

    tire ḳhayāl tirī dhun meñ huuñ jahāñ huuñ maiñ

    kalī kalī mutabassim hai ārzūoñ

    qadam qadam pe mohabbat meñ kāmrāñ huuñ maiñ

    navā navā meñ mirī zindagī machaltī hai

    rabāb-e-husn-o-mohabbat pe naġhma-ḳhvāñ huuñ maiñ

    mirā tajassus-e-paiham hai zindagī-āmoz

    mujhe qarār nahīñ hai ravāñ-davāñ huuñ maiñ

    jahāñ tamām agar mujh se sargirāñ hai to kyā

    ba-zāt-e-ḳhud bhī to ik mustaqil jahāñ huuñ maiñ

    fanā zad se hai mahfūz zindagī merī

    shi.ār apnā mohabbat hai jāvedāñ huuñ maiñ

    ye e.atibār-e-gul-o-gulsitāñ mujhī se hai

    ye aur baat ki parvarda-e-ḳhizāñ huuñ maiñ

    ye kaun dekh rahā hai mujhe hiqārat se

    ġhubār-e-rāh nahīñ mīr-e-kārvāñ huuñ maiñ

    abhi makan main abhi su-e-la-makan hun main

    tere KHayal teri dhun mein hun jahan hun main

    kali kali mutabassim hai aarzuon ki

    qadam qadam pe mohabbat mein kaamran hun main

    nawa nawa mein meri zindagi machalti hai

    rabab-e-husn-o-mohabbat pe naghma-KHwan hun main

    mera tajassus-e-paiham hai zindagi-amoz

    mujhe qarar nahin hai rawan-dawan hun main

    jahan tamam agar mujh se sargiran hai to kya

    ba-zat-e-KHud bhi to ek mustaqil jahan hun main

    fana ki zad se hai mahfuz zindagi meri

    shiar apna mohabbat hai jawedan hun main

    ye eatibar-e-gul-o-gulsitan mujhi se hai

    ye aur baat ki parwarda-e-KHizan hun main

    ye kaun dekh raha hai mujhe hiqarat se

    ghubar-e-rah nahin mir-e-karwan hun main

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY