abhi se taq-e-talab par na tu saja mujhko

abhī se tāq-e-talab par na tū sajā mujh ko

abhī to karnā hai is dil se mashvara mujh ko

abhī shabīh mukammal nahīñ huī terī

abhī to bharnā hai ik rañg-e-māvarā mujh ko

koī na koī to sūrat nikal hī aa.egī

zarā batāo to darpesh marhala mujh ko

ye baat baat pe takrār-o-bahs kyā karnā

ki jītnā hai tumheñ aur hārnā mujh ko

maiñ us kī zaat meñ shāmil thii, us ko mil jaatī

duā-e-ḳhair samajh kar vo māñgtā mujh ko

maiñ jis meñ dekh ke ḳhud ko sañvār luuñ 'nāhīd'

abhī milā hī kahāñ hai vo aa.inā mujh ko

abhi se taq-e-talab par na tu saja mujh ko

abhi to karna hai is dil se mashwara mujh ko

abhi shabih mukammal nahin hui teri

abhi to bharna hai ek rang-e-mawara mujh ko

koi na koi to surat nikal hi aaegi

zara batao to darpesh marhala mujh ko

ye baat baat pe takrar-o-bahs kya karna

ki jitna hai tumhein aur haarna mujh ko

main us ki zat mein shamil thi, us ko mil jati

dua-e-KHair samajh kar wo mangta mujh ko

main jis mein dekh ke KHud ko sanwar lun 'nahid'

abhi mila hi kahan hai wo aaina mujh ko