abhi tamam aainon mein zarra zarra aab hai
abhī tamām ā.inoñ meñ zarra zarra aab hai
ye kis ne tum se kah diyā ki zindagī ḳharāb hai
na jaane aaj ham pe pyaas kā ye kaisā qahr hai
ki jis taraf bhī dekhiye sarāb hī sarāb hai
har ek raah meñ miTe mai-e-nuqūsh-e-ārzū
har ik taraf thakī thakī sī rahguzār ḳhvāb hai
kabhī na dil ke sāgaroñ meñ tum utar sake magar
mire liye mirā vajūd ik khulī kitāb hai
har ek samt ret ret par havā ke naqsh haiñ
yahāñ to dasht dasht meñ havāoñ kā azaab hai
abhi tamam aainon mein zarra zarra aab hai
ye kis ne tum se kah diya ki zindagi KHarab hai
na jaane aaj hum pe pyas ka ye kaisa qahr hai
ki jis taraf bhi dekhiye sarab hi sarab hai
har ek rah mein miTe mai-e-nuqush-e-arzu
har ek taraf thaki thaki si rahguzar KHwab hai
kabhi na dil ke sagaron mein tum utar sake magar
mere liye mera wajud ek khuli kitab hai
har ek samt ret ret par hawa ke naqsh hain
yahan to dasht dasht mein hawaon ka azab hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
