abhi to zinda hain kahte ho yara kya hoga

abhī to zinda haiñ kahte ho yaarā kyā hogā

hamāre baad na jaane tumhārā kyā hogā

hamārā ḳhud pe guzārā nahīñ hai muddat se

hamāre saath kisī kā guzārā kyā hogā

vo mere saath ġharībī meñ bhī bahut ḳhush hai

shab-e-siyāh jab aa.ī sitāra kyā hogā

ye dekhne ke liye kyoñ na ek din mar jaa.eñ

hamāre saath usī din dobāra kyā hogā

vo jis ke nisf ne pāgal kiyā hai duniyā ko

maiñ sochtā huuñ haqīqat meñ saarā kyā hogā

hamāre naqsh-e-qadam se qadam milāo magar

hamārā kuchh na banā to tumhārā kyā hogā

zabān lipTī huī hai gale se murde kī

savāl ye nahīñ kaise pukārā kyā hogā

vo mil ke jaa.e to lagtā nahīñ milā hai kabhī

agar kināra kare to kināra kyā hogā

jinheñ patā thā sabhī kuchh vo log bhī na rahe

hameñ patā hī nahīñ kuchh hamārā kyā hogā

pahan liyā hai use aañkh muuñd kar maiñ ne

vagarna sochtā rahtā utārā kyā hogā

abhi to zinda hain kahte ho yara kya hoga

hamare baad na jaane tumhaara kya hoga

hamara KHud pe guzara nahin hai muddat se

hamare sath kisi ka guzara kya hoga

wo mere sath gharibi mein bhi bahut KHush hai

shab-e-siyah jab aai sitara kya hoga

ye dekhne ke liye kyon na ek din mar jaen

hamare sath usi din dobara kya hoga

wo jis ke nisf ne pagal kiya hai duniya ko

main sochta hun haqiqat mein sara kya hoga

hamare naqsh-e-qadam se qadam milao magar

hamara kuchh na bana to tumhaara kya hoga

zaban lipTi hui hai gale se murde ki

sawal ye nahin kaise pukara kya hoga

wo mil ke jae to lagta nahin mila hai kabhi

agar kinara kare to kinara kya hoga

jinhen pata tha sabhi kuchh wo log bhi na rahe

hamein pata hi nahin kuchh hamara kya hoga

pahan liya hai use aankh mund kar main ne

wagarna sochta rahta utara kya hoga