abr be-wajh nahin dasht ke upar aae

abr be-vaj.h nahīñ dasht ke uupar aa.e

ik duā aur ki bārish kī duā bar aa.e

aañkh rakhte hue kuchh bhī nahīñ dekhā ham ne

varna manzil se hasīñ raah meñ manzar aa.e

koī imkān ki jaage kabhī lohe kā zamīr

aur qātil kī taraf lauT ke ḳhanjar aa.e

aarzū thī ki shajar ko samar-āvar dekhūñ

baur paḌte hī magar sahn meñ patthar aa.e

tujh se dariyā to ga.e chal ke samundar kī taraf

mujh se qatre kī taraf uḌ ke samundar aa.e

āzmā.ish ho shujā.at kī to phir aise ho

maiñ akelā huuñ mire sāmne lashkar aa.e

kar diyā dhuup ne jab shahr ko sāyoñ ke sipurd

phir to din meñ bhī ka.ī raat ke manzar aa.e

abr be-wajh nahin dasht ke upar aae

ek dua aur ki barish ki dua bar aae

aankh rakhte hue kuchh bhi nahin dekha hum ne

warna manzil se hasin rah mein manzar aae

koi imkan ki jage kabhi lohe ka zamir

aur qatil ki taraf lauT ke KHanjar aae

aarzu thi ki shajar ko samar-awar dekhun

baur paDte hi magar sahn mein patthar aae

tujh se dariya to gae chal ke samundar ki taraf

mujh se qatre ki taraf uD ke samundar aae

aazmaish ho shujaat ki to phir aise ho

main akela hun mere samne lashkar aae

kar diya dhup ne jab shahr ko sayon ke sipurd

phir to din mein bhi kai raat ke manzar aae