abr-e-dīda kā mire ho jo na ojhaḌ paanī
phir kahīñ jhiḌkī lagā.e na kahīñ jhaḌ paanī
mere rone se dil-e-sañg jo aab aab na ho
kohsāroñ se gire phir na dhaḌā-dhaḌ paanī
ye añdherā ye shab-e-tār kahāñ jāoge
din haiñ barsāt ke galiyoñ meñ hai kīchaḌ paanī
barq-andāz na kis tarah karūñ nāla-e-garm
jaan betāb hai bijlī kī tarah taḌ paanī
rashk-e-la.al-e-lab-e-lālīñ se jigar-ḳhūñ yāqūt
sharm-e-dandāñ se hai motī kī har ik laḌ paanī
tīr-bārāñ mizha-e-yār mujhe kartī hai
maiñ samajhtā huuñ barastā hai jhaḌā-jhaḌ paanī
maiñ jo ai 'shād' na ro.uuñ sifat abr-e-bahār
paa.eñ ik qatra kahīñ jhiil na jhābaḌ paanī
abr-e-dida ka mere ho jo na ojhaD pani
phir kahin jhiDki lagae na kahin jhaD pani
mere rone se dil-e-sang jo aab aab na ho
kohsaron se gire phir na dhaDa-dhaD pani
ye andhera ye shab-e-tar kahan jaoge
din hain barsat ke galiyon mein hai kichaD pani
barq-andaz na kis tarah karun nala-e-garm
jaan betab hai bijli ki tarah taD pani
rashk-e-lal-e-lab-e-lalin se jigar-KHun yaqut
sharm-e-dandan se hai moti ki har ek laD pani
tir-baran mizha-e-yar mujhe karti hai
main samajhta hun barasta hai jhaDa-jhaD pani
main jo ai 'shad' na roun sifat abr-e-bahaar
paen ek qatra kahin jhil na jhabaD pani
Source:
Sukhan-e-Bemisal: Deewan-e-Shad (pdf) and website (Pg. p-149 e-151 pdf-156)
-
Author:
Shad Lakhnavi
-
- Edition: 1901
- Publisher: Matbaa Tasweer-e- Alam, Lucknow
- Year of Publication: 1901
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.