abr hi abr hai barasta nain

abr hī abr hai barastā na.iiñ

ab ke sāvan tumhāre jaisā na.iiñ

ḳhvāb aur saiñt kar rakheñ āñkheñ

in se aañsū to ik sañbhaltā na.iiñ

ghūmtī hai zamīn gird mire

paañv uThte haiñ raqs hotā na.iiñ

noch Daale haiñ apne par maiñ ne

maiñ bhī insān huuñ farishta na.iiñ

kaisā harjā.ī ho gayā aañsū

merā dāman hai aur giilā na.iiñ

kab hue dost kab hue dushman

aap kā bhī koī bharosa na.iiñ

dil kī bāteñ aur is se chhoḌo bhī

vo jo lagtā hai yaar vaisā na.iiñ

bātoñ bātoñ meñ jaan leñge sabhī

jo bhī terā nahīñ vo merā na.iiñ

āsmānoñ meñ kho ga.iiñ jā kar

kuchh patañgoñ kī koī 'sīmā' na.iiñ

abr hi abr hai barasta nain

ab ke sawan tumhaare jaisa nain

KHwab aur saint kar rakhen aankhen

in se aansu to ek sanbhalta nain

ghumti hai zamin gird mere

panw uThte hain raqs hota nain

noch Dale hain apne par main ne

main bhi insan hun farishta nain

kaisa harjai ho gaya aansu

mera daman hai aur gila nain

kab hue dost kab hue dushman

aap ka bhi koi bharosa nain

dil ki baaten aur is se chhoDo bhi

wo jo lagta hai yar waisa nain

baaton baaton mein jaan lenge sabhi

jo bhi tera nahin wo mera nain

aasmanon mein kho gain ja kar

kuchh patangon ki koi 'sima' nain