achchha hua ki dam shab-e-hijran nikal gaya

Zain-ul-Abideen Khan Arif

achchha hua ki dam shab-e-hijran nikal gaya

Zain-ul-Abideen Khan Arif

MORE BYZain-ul-Abideen Khan Arif

    achchhā huā ki dam shab-e-hijrāñ nikal gayā

    dushvār thā ye kaam par āsāñ nikal gayā

    bak bak se nāsehoñ huā ye to fā.eda

    maiñ ghar se chaak kar ke girebāñ nikal gayā

    phir dekhnā ki ḳhizr phiregā bahā bahā

    gar sū-e-dasht maiñ kabhī giryāñ nikal gayā

    ḳhūbī safā-e-dil hamārī ye jāniye

    siine ke paar saaf jo paikāñ nikal gayā

    hañgāme kaise rahte haiñ apne sabab se vaañ

    ham se nām-e-kūcha-e-jānāñ nikal gayā

    furqat meñ kār-e-vasl liyā vaah vaah se

    har āh-e-dil ke saath ik armāñ nikal gayā

    behtar huā ki aa.e vo mahfil meñ be-naqāb

    'ārif' ġhurūr-e-māh-e-jabīnāñ nikal gayā

    achchha hua ki dam shab-e-hijran nikal gaya

    dushwar tha ye kaam par aasan nikal gaya

    bak bak se nasehon ki hua ye to faeda

    main ghar se chaak kar ke gireban nikal gaya

    phir dekhna ki KHizr phirega baha baha

    gar su-e-dasht main kabhi giryan nikal gaya

    KHubi safa-e-dil ki hamari ye jaaniye

    sine ke par saf jo paikan nikal gaya

    hangame kaise rahte hain apne sabab se wan

    hum se hi nam-e-kucha-e-jaanan nikal gaya

    furqat mein kar-e-wasl liya wah wah se

    har aah-e-dil ke sath ek arman nikal gaya

    behtar hua ki aae wo mahfil mein be-naqab

    'arif' ghurur-e-mah-e-jabinan nikal gaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY