achchhā qisās lenā phir āh-e-ātishīñ se
aao idhar pasīna to pūchh duuñ jabīñ se
merā niyāz phir bhī Thukrāyā jā rahā hai
niklī hai rasm-e-sajda go merī hī jabīñ se
majbūrī-e-mohabbat insāf chāhtī hai
shikva bhī hai tumhīñ se fariyād bhī tumhīñ se
haañ ham bhī jānte haiñ muddat se un butoñ ko
ka.abe ke rahne vaale nikle haiñ āstīñ se
sūraj kī tez kirneñ kaam apnā kar rahī haiñ
baiThā huuñ muñh chhupā.e ik bhīgī āstīñ se
vo sañg-e-dar salāmat āñkhoñ se dekh lenā
ik din tulūa hogā ik chāñd isī jabīñ se
paanī kī chādareñ haiñ ḳhushkī hai maut un kī
ye ashk paak hoñge sāhil kī āstīñ se
the āsmāñ kabhī ham ab to nazar se gir kar
ḳhud apnī zindagī meñ ham mil ga.e zamīñ se
saarā ġhurūr-e-sajda miTTī meñ mil rahā hai
ik naqsh-e-pā uThā.e uThtā nahīñ jabīñ se
kyuuñ huuñ 'sirāj' phir ham muhtāj-e-dil-navāzī
mil jaa.e māñge-jā.che kuchh dard agar kahīñ se
achchha qisas lena phir aah-e-atishin se
aao idhar pasina to puchh dun jabin se
mera niyaz phir bhi Thukraya ja raha hai
nikli hai rasm-e-sajda go meri hi jabin se
majburi-e-mohabbat insaf chahti hai
shikwa bhi hai tumhin se fariyaad bhi tumhin se
han hum bhi jaante hain muddat se un buton ko
kabe ke rahne wale nikle hain aastin se
suraj ki tez kirnen kaam apna kar rahi hain
baiTha hun munh chhupae ek bhigi aastin se
wo sang-e-dar salamat aankhon se dekh lena
ek din tulua hoga ek chand isi jabin se
pani ki chadaren hain KHushki hai maut un ki
ye ashk pak honge sahil ki aastin se
the aasman kabhi hum ab to nazar se gir kar
KHud apni zindagi mein hum mil gae zamin se
sara ghurur-e-sajda miTTi mein mil raha hai
ek naqsh-e-pa uThae uThta nahin jabin se
kyun hun 'siraj' phir hum muhtaj-e-dil-nawazi
mil jae mange-jache kuchh dard agar kahin se
Source:
Shola-e-Aawaz (Pg. e-83 p-82)
-
Author:
Siraj Lakhnavi
-
- Edition: 1920
- Publisher: Nizami Press, Lucknow
- Year of Publication: 1920
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.