achchhe-bure KHayal ke baKHiye udhaD gae

achchhe-bure ḳhayāl ke baḳhiye udhaḌ ga.e

un ke har ik savāl ke baḳhiye udhaḌ ga.e

is darja āshiqī ne ghasīTā hai dasht meñ

majnūñ kī ḳhadd-o-ḳhāl ke baḳhiye udhaḌ ga.e

un ke javāb ne kiyā kuchh aisā lā-javāb

vallāh arz-e-hāl ke baḳhiye udhaḌ ga.e

āġhāz-e-ishq merā huā jis rumāl se

anjām tak rumāl ke baḳhiye udhaḌ ga.e

pardā uThāyā chāñd ne chehre se jis ghaḌī

kāmil tire kamāl ke baḳhiye udhaḌ ga.e

chiḌiyoñ kī nannhī choñchoñ kā hī ye kamāl hai

sayyād tere jaal ke baḳhiye udhaḌ ga.e

naqqād ne udheḌā hai 'rāshid' kuchh is tarah

taḳh.īl-e-be-misāl ke baḳhiye udhaḌ ga.e

achchhe-bure KHayal ke baKHiye udhaD gae

un ke har ek sawal ke baKHiye udhaD gae

is darja aashiqi ne ghasiTa hai dasht mein

majnun ki KHadd-o-KHal ke baKHiye udhaD gae

un ke jawab ne kiya kuchh aisa la-jawab

wallah arz-e-haal ke baKHiye udhaD gae

aaghaz-e-ishq mera hua jis rumal se

anjam tak rumal ke baKHiye udhaD gae

parda uThaya chand ne chehre se jis ghaDi

kaamil tere kamal ke baKHiye udhaD gae

chiDiyon ki nannhi chonchon ka hi ye kamal hai

sayyaad tere jal ke baKHiye udhaD gae

naqqad ne udheDa hai 'rashid' kuchh is tarah

taKHil-e-be-misal ke baKHiye udhaD gae