adawaton ka ye usko sila diya humne

adāvatoñ kā ye us ko sila diyā ham ne

anā ko us kī hamīñ meñ Dubā diyā ham ne

malāl-o-huzn se ho kar guzartī rāhoñ ko

yaqīn-o-shauq se paiham milā diyā ham ne

misāl ban ga.ī mahbūb aur habīb kī zaat

ye aa.ina sar-e-ālam dikhā diyā ham ne

tamām jabr-o-tashaddud kī had bhī ḳhatm huī

ki jab se sabr ko mehvar banā diyā ham ne

kisī ḳhayāl kā aanā muhāl hai ab to

tasavvurāt kā ḳhema jalā diyā ham ne

abhī bhī uñglī uThāne kī rasm baaqī hai

har ik sabab ko agarche miTā diyā ham ne

ab aur ġharq-e-tajassus na ho mirī ḳhātir

tumheñ to faisla apnā sunā diyā ham ne

ye lāzmī hai ki 'asrā' bhulā diyā jaa.e

jo raaz dil kī zamīñ meñ dabā diyā ham ne

adawaton ka ye us ko sila diya hum ne

ana ko us ki hamin mein Duba diya hum ne

malal-o-huzn se ho kar guzarti rahon ko

yaqin-o-shauq se paiham mila diya hum ne

misal ban gai mahbub aur habib ki zat

ye aaina sar-e-alam dikha diya hum ne

tamam jabr-o-tashaddud ki had bhi KHatm hui

ki jab se sabr ko mehwar bana diya hum ne

kisi KHayal ka aana muhaal hai ab to

tasawwuraat ka KHema jala diya hum ne

abhi bhi ungli uThane ki rasm baqi hai

har ek sabab ko agarche miTa diya hum ne

ab aur gharq-e-tajassus na ho meri KHatir

tumhein to faisla apna suna diya hum ne

ye lazmi hai ki 'asra' bhula diya jae

jo raaz dil ki zamin mein daba diya hum ne