adhura jism liye pichhe haT raha hun main

adhūrā jism liye pīchhe haT rahā huuñ maiñ

ki ik kinārā huuñ dariyā kā kaT rahā huuñ maiñ

mire vajūd ko vus.at nahīñ kisī bhī tarah

har ek samt se har roz ghaT rahā huuñ maiñ

asar-pazīr huuñ ik zalzale se hastī ke

zamīñ ke jaise har ik saañs phaT rahā huuñ maiñ

haiñ mere vāste ḳhanjar shuā.eñ sūraj kī

khulī saḌak pe huuñ har lamha kaT rahā huuñ maiñ

hai mere sāmne terā kitāb sā chehra

aur is kitāb ke aurāq ulaT rahā huuñ maiñ

pighal rahā huuñ khaḌī dhuup hai mire sar par

ki ik daraḳht kā saaya huuñ ghaT rahā huuñ maiñ

mirā vajūd shikasta sī ek naav sahī

bhañvar kī lahroñ se tanhā nimaT rahā huuñ maiñ

maiñ ik ġhazal huuñ mujhe kahiye kāvish-e-ġhālib

ki shahr shahr dimāġhoñ meñ baT rahā huuñ maiñ

adhura jism liye pichhe haT raha hun main

ki ek kinara hun dariya ka kaT raha hun main

mere wajud ko wusat nahin kisi bhi tarah

har ek samt se har roz ghaT raha hun main

asar-pazir hun ek zalzale se hasti ke

zamin ke jaise har ek sans phaT raha hun main

hain mere waste KHanjar shuaen suraj ki

khuli saDak pe hun har lamha kaT raha hun main

hai mere samne tera kitab sa chehra

aur is kitab ke auraq ulaT raha hun main

pighal raha hun khaDi dhup hai mere sar par

ki ek daraKHt ka saya hun ghaT raha hun main

mera wajud shikasta si ek naw sahi

bhanwar ki lahron se tanha nimaT raha hun main

main ek ghazal hun mujhe kahiye kawish-e-ghaalib

ki shahr shahr dimaghon mein baT raha hun main