adū-e-jāñ but-e-be-bāk niklā
baḌā qātil baḌā saffāk niklā
sanobar qad-kashī meñ ḳhaak niklā
vo sarv-e-qad chaman kī naak niklā
farishtoñ ko kiyā maat aadmī ne
qayāmat kā ye musht-e-ḳhāk niklā
uḌā dī qaid-e-maz.hab dil se ham ne
qafas se tā.ir-e-idrāk niklā
mohabbat se khulā hāl-e-zamāna
ye dil lauh-e-tilism-e-ḳhāk niklā
nikal aa.ī falak kī duur se ruuh
bhañvar se ḳhuub ye tairāk niklā
vo pazhmurda thā fasl-e-gul jo aa.ī
chaman se sūrat-e-ḳhāshāk niklā
shikār-afgan maiñ dil ko jāntā thā
ġhazāl-e-basta-e-fitrāk niklā
mare ham aarzū un kī bar aa.e
hamārā hausla kyā ḳhaak niklā
junūñ meñ bāġh-e-ālam ko jo dekhā
ajab sahrā-e-vahshat-nāk niklā
nikaltī hai badan se jis tarah ruuh
tire ghar se maiñ yuuñ ġhamnāk niklā
tumhāre qad se kuchh kam sarv Thahrā
sanobar to bahut kāvāk niklā
hamārī sāda-lauhī kaam aa.ī
hisāb-e-roz-e-mahshar paak niklā
tarāra phirte hī pahuñchā adam meñ
samand-e-umr kyā chālāk niklā
bhare laḌkoñ ne dāman pattharoñ se
jahāñ terā garebāñ chaak niklā
miTāyā daur-e-sāqī mohtasib ne
adū jamshed kā zahhāk niklā
'sabā' ham hashr ko mujrim jo nikle
shafā.at ko shah-e-laulāk niklā
adu-e-jaan but-e-be-bak nikla
baDa qatil baDa saffak nikla
sanobar qad-kashi mein KHak nikla
wo sarw-e-qad chaman ki nak nikla
farishton ko kiya mat aadmi ne
qayamat ka ye musht-e-KHak nikla
uDa di qaid-e-mazhab dil se hum ne
qafas se tair-e-idrak nikla
mohabbat se khula haal-e-zamana
ye dil lauh-e-tilism-e-KHak nikla
nikal aai falak ki dur se ruh
bhanwar se KHub ye tairak nikla
wo pazhmurda tha fasl-e-gul jo aai
chaman se surat-e-KHashak nikla
shikar-afgan main dil ko jaanta tha
ghazal-e-basta-e-fitrak nikla
mare hum aarzu un ki bar aae
hamara hausla kya KHak nikla
junun mein bagh-e-alam ko jo dekha
ajab sahra-e-wahshat-nak nikla
nikalti hai badan se jis tarah ruh
tere ghar se main yun ghamnak nikla
tumhaare qad se kuchh kam sarw Thahra
sanobar to bahut kawak nikla
hamari sada-lauhi kaam aai
hisab-e-roz-e-mahshar pak nikla
tarara phirte hi pahuncha adam mein
samand-e-umr kya chaalak nikla
bhare laDkon ne daman pattharon se
jahan tera gareban chaak nikla
miTaya daur-e-saqi mohtasib ne
adu jamshed ka zahhak nikla
'saba' hum hashr ko mujrim jo nikle
shafaat ko shah-e-laulak nikla
Source:
Ghuncha-e-Arzu (Pg. 8)
-
Author:
Wazir Ali Saba Lakhnavi
-
- Edition: 1856
- Publisher: Matba Mohammadi, Lucnow
- Year of Publication: 1856
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.