adu ko dekh ke jab wo idhar ko dekhte hain

'adū ko dekh ke jab vo idhar ko dekhte haiñ

nazar charā ke ham un kī nazar ko dekhte haiñ

vo rakh ke haath se ā.īna tan ke baiTh ga.e

dahan ko dekh chuke ab kamar ko dekhte haiñ

kisī ke husn se ye ham ko bad-gumānī hai

ki pahle naama se ham nāma-bar ko dekhte haiñ

ye imtihān-e-kashish husn-o-ishq kā hai banā

na ham udhar ko na ab vo idhar ko dekhte haiñ

kabhī vo aa.ine meñ dekhte haiñ apnī shakl

kabhī vo 'beḳhud'-e-āshufta-sar ko dekhte haiñ

'adu ko dekh ke jab wo idhar ko dekhte hain

nazar chara ke hum un ki nazar ko dekhte hain

wo rakh ke hath se aaina tan ke baiTh gae

dahan ko dekh chuke ab kamar ko dekhte hain

kisi ke husn se ye hum ko bad-gumani hai

ki pahle nama se hum nama-bar ko dekhte hain

ye imtihan-e-kashish husn-o-ishq ka hai bana

na hum udhar ko na ab wo idhar ko dekhte hain

kabhi wo aaine mein dekhte hain apni shakl

kabhi wo 'beKHud'-e-ashufta-sar ko dekhte hain