afsana-ha-e-dard sunate chale gae

afsāna-hā-e-dard sunāte chale ga.e

ḳhud ro.e dūsroñ ko rulāte chale ga.e

bharte rahe alam meñ fusūn-e-tarab kā rañg

in talḳhiyoñ meñ zahr milāte chale ga.e

apne niyāz-e-shauq pe thā zindagī ko naaz

ham zindagī ke naaz uThāte chale ga.e

har apnī dāstāñ ko kahā dāstān-e-ġhair

yuuñ bhī kisī kā raaz chhupāte chale ga.e

maiñ jitnā un kī yaad bhulātā chalā gayā

vo aur bhī qarīb-tar aate chale ga.e

afsana-ha-e-dard sunate chale gae

KHud roe dusron ko rulate chale gae

bharte rahe alam mein fusun-e-tarab ka rang

in talKHiyon mein zahr milate chale gae

apne niyaz-e-shauq pe tha zindagi ko naz

hum zindagi ke naz uThate chale gae

har apni dastan ko kaha dastan-e-ghair

yun bhi kisi ka raaz chhupate chale gae

main jitna un ki yaad bhulata chala gaya

wo aur bhi qarib-tar aate chale gae