agar gul ki koi pati jhaDi hai

agar gul kī koī patī jhaḌī hai

to sau sau baar bulbul gir paḌī hai

nazar kyā jaa.e sū-e-shīsha-o-jām

hamārī aañkh saaqī se laḌī hai

ye hai josh-e-bahār un ke chaman meñ

ki har ik shāḳh phūloñ kī chhaḌī hai

sunī rif.at sulaimāñ kī to bole

hamārī ik añgūThī gir paḌī hai

tumhārī zulf se kam hai shab-e-hijr

magar roz-e-qayāmat se baḌī hai

ik aane kā hai ik jaane kā hañgām

ye qissa zindagī kā do-ghaḌī hai

nahīñ haTtī tumhāre chehre se zulf

ye shāyad bosa lene par aḌī hai

hazāroñ daaġh lākhoñ hasrateñ haiñ

hamāre dil kī bhī bastī baḌī hai

huā kyā jild-e-ḳhāk apnā tan-e-zār

jahāñ ham the vahāñ miTTī paḌī hai

mare haiñ dar pe ham vo pūchhte haiñ

ye kis kī laash raste meñ paḌī hai

jo dekhī hai nigāh-e-mast-e-sāqī

to bijlī laḌkhaḌā ke gir paḌī hai

jo apnā maal hogā ḳhair hogā

'rashīd' ab to hameñ dil kī paḌī hai

agar gul ki koi pati jhaDi hai

to sau sau bar bulbul gir paDi hai

nazar kya jae su-e-shisha-o-jam

hamari aankh saqi se laDi hai

ye hai josh-e-bahaar un ke chaman mein

ki har ek shaKH phulon ki chhaDi hai

suni rifat sulaiman ki to bole

hamari ek anguThi gir paDi hai

tumhaari zulf se kam hai shab-e-hijr

magar roz-e-qayamat se baDi hai

ek aane ka hai ek jaane ka hangam

ye qissa zindagi ka do-ghaDi hai

nahin haTti tumhaare chehre se zulf

ye shayad bosa lene par aDi hai

hazaron dagh lakhon hasraten hain

hamare dil ki bhi basti baDi hai

hua kya jild-e-KHak apna tan-e-zar

jahan hum the wahan miTTi paDi hai

mare hain dar pe hum wo puchhte hain

ye kis ki lash raste mein paDi hai

jo dekhi hai nigah-e-mast-e-saqi

to bijli laDkhaDa ke gir paDi hai

jo apna mal hoga KHair hoga

'rashid' ab to hamein dil ki paDi hai