aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

agar hain Khaar-e-alam aadmi ke daman mein

Baldev singh Hamdam

agar hain Khaar-e-alam aadmi ke daman mein

Baldev singh Hamdam

MORE BYBaldev singh Hamdam

    agar haiñ ḳhār-e-alam aadmī ke dāman meñ

    ḳhushī ke phuul bhī to haiñ usī ke dāman meñ

    hazār aish sahī zindagī ke dāman meñ

    magar hai sabr kahāñ aadmī ke dāman meñ

    agar sukūñ hai to hai bandagī ke dāman meñ

    milegī manzil-e-irfāñ usī ke dāman meñ

    kisī yaad meñ aañsū jo aañkh se Tapke

    javāharāt haiñ ye āshiqī ke dāman meñ

    kamāl-e-zabt yahī hai vaqār-e-ishq yahī

    chhupī ho ārzū-e-dil ḳhudī ke dāman meñ

    hadīs-e-ishq-o-mohabbat tarjumāñ jo ho

    adab ke phuul khile haiñ usī ke dāman meñ

    ba-chashm-e-ġhaur jo dekho to aur bhī kuchh hai

    faqat gunāh nahīñ aadmī ke dāman meñ

    ajal hazār burī chiiz hai magar hamdam

    panāh miltī hai āḳhir usī ke dāman meñ

    agar hain KHar-e-alam aadmi ke daman mein

    KHushi ke phul bhi to hain usi ke daman mein

    hazar aish sahi zindagi ke daman mein

    magar hai sabr kahan aadmi ke daman mein

    agar sukun hai to hai bandagi ke daman mein

    milegi manzil-e-irfan usi ke daman mein

    kisi ki yaad mein aansu jo aankh se Tapke

    jawaharaat hain ye aashiqi ke daman mein

    kamal-e-zabt yahi hai waqar-e-ishq yahi

    chhupi ho aarzu-e-dil KHudi ke daman mein

    hadis-e-ishq-o-mohabbat ka tarjuman jo ho

    adab ke phul khile hain usi ke daman mein

    ba-chashm-e-ghaur jo dekho to aur bhi kuchh hai

    faqat gunah nahin aadmi ke daman mein

    ajal hazar buri chiz hai magar hamdam

    panah milti hai aaKHir usi ke daman mein

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now