agar ho KHauf-zada taqat-e-bayan kaisi

agar ho ḳhauf-zada tāqat-e-bayāñ kaisī

navā-e-haq na sunā.e to phir ziyāñ kaisī

uThāo harf-e-sadāqat lahū ko garm karo

jo tiir pheñk nahīñ saktī vo kamāñ kaisī

unheñ ye fikr ki merī sadā ko qaid kareñ

mujhe ye rañj ki itnī ḳhamoshiyāñ kaisī

havā ke ruḳh pe liye baiThā huuñ charāġh apnā

mire ḳhudā ne mujhe baḳhsh dī amaañ kaisī

havā chale to use kaun rok saktā hai

uThā rakhī hai ye dīvār darmiyāñ kaisī

agar ye mausam-e-gul hai to zard-rū kyuuñ hai

dil-o-nazar pe ye kaifiyyat-e-ḳhizāñ kaisī

na taar taar qabā hai na daaġh daaġh badan

mujāhidoñ ke saroñ se ga.ī azaañ kaisī

agar ho KHauf-zada taqat-e-bayan kaisi

nawa-e-haq na sunae to phir ziyan kaisi

uThao harf-e-sadaqat lahu ko garm karo

jo tir phenk nahin sakti wo kaman kaisi

unhen ye fikr ki meri sada ko qaid karen

mujhe ye ranj ki itni KHamoshiyan kaisi

hawa ke ruKH pe liye baiTha hun charagh apna

mere KHuda ne mujhe baKHsh di aman kaisi

hawa chale to use kaun rok sakta hai

uTha rakhi hai ye diwar darmiyan kaisi

agar ye mausam-e-gul hai to zard-ru kyun hai

dil-o-nazar pe ye kaifiyyat-e-KHizan kaisi

na tar tar qaba hai na dagh dagh badan

mujahidon ke saron se gai azan kaisi