agar karen kabhi wada karen nibhane ko

agar kareñ kabhī va.ada kareñ nibhāne ko

faqat kareñ na hameñ yuuñ hī āzmāne ko

hameñ yaqīn nahīñ ab tumhārī bātoñ par

baḌā javāz koī chāhiye lubhāne ko

hamārā naam zamāne kī dil kī dhaḌkan hai

hamāre naam se āvāz do zamāne ko

jabīn-e-ḳhāk se kuchh is qadar muzayyan hai

zamāna chāhiye ab ye nishāñ miTāne ko

lahū kā naam badal kar jo rakh diyā paanī

zamāna ḳhuub baḌhā phir use bahāne ko

kisī ne jurm-e-zinā kī sazā sunā.ī to

zamāne bhar meñ lagī aag dil jalāne ko

janāb-e-'momin-e-hindī' ye vaqt-e-faisal hai

jamī hai bhiiḌ tumheñ ran meñ āzmāne ko

agar karen kabhi wada karen nibhane ko

faqat karen na hamein yun hi aazmane ko

hamein yaqin nahin ab tumhaari baaton par

baDa jawaz koi chahiye lubhane ko

hamara nam zamane ki dil ki dhaDkan hai

hamare nam se aawaz do zamane ko

jabin-e-KHak se kuchh is qadar muzayyan hai

zamana chahiye ab ye nishan miTane ko

lahu ka nam badal kar jo rakh diya pani

zamana KHub baDha phir use bahane ko

kisi ne jurm-e-zina ki saza sunai to

zamane bhar mein lagi aag dil jalane ko

janab-e-'momin-e-hindi' ye waqt-e-faisal hai

jami hai bhiD tumhein ran mein aazmane ko