agar KHud apne maraatib se aashna ho jae

agar ḳhud apne marātib se āshnā ho jaa.e

zarā sī der meñ insān kyā se kyā ho jaa.e

na jaane kitne diloñ se umañD paḌe aañsū

ḳhudā kare ye mirā saaz be-sadā ho jaa.e

kisī kitāb kisī rahnumā kī hājat kyā

har ek naqs agar sher meñ ravā ho jaa.e

ajiib rasm-e-zamāna hai is ko kyā kahiye

jo dūsroñ ko milā.e vahī burā ho jaa.e

dil-o-nigāh mukaddar hoñ jin ke chehre se

hamārā un kā kahīñ phir na sāmnā ho jaa.e

hamāre ghar kī jo dushman banī huī hai abhī

chale havā to pareshāñ yahī ghaTā ho jaa.e

yaqīn-e-lutf-o-karam aap agar dilā.eñ use

'nasīr' halqa-e-auhām se rihā ho jaa.e

agar KHud apne maraatib se aashna ho jae

zara si der mein insan kya se kya ho jae

na jaane kitne dilon se umanD paDe aansu

KHuda kare ye mera saz be-sada ho jae

kisi kitab kisi rahnuma ki hajat kya

har ek naqs agar sher mein rawa ho jae

ajib rasm-e-zamana hai is ko kya kahiye

jo dusron ko milae wahi bura ho jae

dil-o-nigah mukaddar hon jin ke chehre se

hamara un ka kahin phir na samna ho jae

hamare ghar ki jo dushman bani hui hai abhi

chale hawa to pareshan yahi ghaTa ho jae

yaqin-e-lutf-o-karam aap agar dilaen use

'nasir' halqa-e-auham se riha ho jae