agar kuchh bhi mere ghar se dam-e-ruKHsat nikalta hai
agar kuchh bhī mire ghar se dam-e-ruḳhsat nikaltā hai
uThā le jaa.e jis kā jo mirī bābat nikaltā hai
ye vīrānī sī yūñhī to nahīñ rahtī hai āñkhoñ meñ
mire dil hī se koī jāda-e-vahshat nikaltā hai
ajab hairat-sarā hai ye jahān-e-tañg-dāmāñ bhī
yahāñ to dil bhī dhaḌkan se dam-e-hasrat nikaltā hai
ḳhush-arzānī huī hai is qadar bāzār-e-hastī meñ
girāñ jis ko samajhtā huuñ vo kam-qīmat nikaltā hai
ik aisī basti-e-sūrat-garāñ meñ ab ke aayā huuñ
mujhe jo dekhtā hai merā ham-sūrat nikaltā hai
agar kuchh bhi mere ghar se dam-e-ruKHsat nikalta hai
uTha le jae jis ka jo meri babat nikalta hai
ye virani si yunhi to nahin rahti hai aankhon mein
mere dil hi se koi jada-e-wahshat nikalta hai
ajab hairat-sara hai ye jahan-e-tang-daman bhi
yahan to dil bhi dhaDkan se dam-e-hasrat nikalta hai
KHush-arzani hui hai is qadar bazar-e-hasti mein
giran jis ko samajhta hun wo kam-qimat nikalta hai
ek aisi basti-e-surat-garan mein ab ke aaya hun
mujhe jo dekhta hai mera ham-surat nikalta hai
Source:
ruki huii shamon kii raahdaariyaz (Pg. 49)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
