agar main sach kahun aisa tha pahle

agar maiñ sach kahūñ aisā thā pahle

vahī rab thā vahī duniyā thā pahle

mujhe kyoñ ġhair jaisā lag rahā hai

vahī ik shaḳhs jo merā thā pahle

jo merī jaan kā dushman banā hai

mujhe vo jaan hī kahtā thā pahle

mirī āñkhoñ ke andar mar gayā hai

vahī ik ḳhvāb jo zinda thā pahle

ye jo ḳhāmosh sā ik aadmī hai

baḌā shaitān sā bachcha thā pahle

vo jis ko aap patthar kah rahe haiñ

haqīqat meñ vahī TuuTā thā pahle

ye jo sūkhī huī āñkheñ haiñ merī

yahāñ ashkoñ kā ik dariyā thā pahle

lagā.ī hai siyāhī dīpakoñ ne

mirā kamra baḌā ujlā thā pahle

ye merā haal jo hai 'ishq se hai

haañ maiñ sach meñ bahut achchhā thā pahle

agar main sach kahun aisa tha pahle

wahi rab tha wahi duniya tha pahle

mujhe kyon ghair jaisa lag raha hai

wahi ek shaKHs jo mera tha pahle

jo meri jaan ka dushman bana hai

mujhe wo jaan hi kahta tha pahle

meri aankhon ke andar mar gaya hai

wahi ek KHwab jo zinda tha pahle

ye jo KHamosh sa ek aadmi hai

baDa shaitan sa bachcha tha pahle

wo jis ko aap patthar kah rahe hain

haqiqat mein wahi TuTa tha pahle

ye jo sukhi hui aankhen hain meri

yahan ashkon ka ek dariya tha pahle

lagai hai siyahi dipakon ne

mera kamra baDa ujla tha pahle

ye mera haal jo hai 'ishq se hai

han main sach mein bahut achchha tha pahle