agar nazar mein koi justuju nahin to nahin

agar nazar meñ koī justujū nahīñ to nahīñ

jo maiñ nahīñ to nahīñ aur jo tū nahīñ to nahīñ

kise ḳhayāl hai apne sivā kisī kā yahāñ

yahāñ kisī ko tirī aarzū nahīñ to nahīñ

mire to shahr meñ bahtī haiñ ḳhuun kī nadiyāñ

use nasīb koī aabjū nahīñ to nahīñ

abhī to zehn meñ sapnoñ kā shor jaarī hai

abhī jo tum se koī guftugū nahīñ to nahīñ

tumheñ tumhārī ye saj-dhaj rahe mubārak aur

mirā darīda garebāñ rafū nahīñ to nahīñ

maiñ apne tarz pe aayā huuñ jiit kar baazī

tirī nazar meñ agar surḳh-rū nahīñ to nahīñ

kisī malīh se chehre pe jaan deñ 'farhat'

koī nasīb meñ gar māh-rū nahīñ to nahīñ

agar nazar mein koi justuju nahin to nahin

jo main nahin to nahin aur jo tu nahin to nahin

kise KHayal hai apne siwa kisi ka yahan

yahan kisi ko teri aarzu nahin to nahin

mere to shahr mein bahti hain KHun ki nadiyan

use nasib koi aabju nahin to nahin

abhi to zehn mein sapnon ka shor jari hai

abhi jo tum se koi guftugu nahin to nahin

tumhein tumhaari ye saj-dhaj rahe mubarak aur

mera darida gareban rafu nahin to nahin

main apne tarz pe aaya hun jit kar bazi

teri nazar mein agar surKH-ru nahin to nahin

kisi malih se chehre pe jaan den 'farhat'

koi nasib mein gar mah-ru nahin to nahin