agar phir shahr mein wo KHush-ada wapas palaT aae
agar phir shahr meñ vo ḳhush-adā vāpas palaT aa.e
mulāqātoñ kā shāyad silsila vāpas palaT aa.e
maiñ us ko bhuul jā.ūñ raat ye māñgī duā maiñ ne
karūñ kyā maiñ agar merī duā vāpas palaT aa.e
guzartā hī nahīñ mausam judā.ī ke dayāroñ kā
milan-rut ke kināroñ se havā vāpas palaT aa.e
vo ab un rāstoñ par hai jahāñ bas phuul khilte haiñ
bulāve kī mire har ik sadā vāpas palaT aa.e
na.e raste mubārak us ko lekin kuchh qadam baḌh kar
bichhaḌne kā mujhe de hausla vāpas palaT aa.e
agar phir shahr mein wo KHush-ada wapas palaT aae
mulaqaton ka shayad silsila wapas palaT aae
main us ko bhul jaun raat ye mangi dua main ne
karun kya main agar meri dua wapas palaT aae
guzarta hi nahin mausam judai ke dayaron ka
milan-rut ke kinaron se hawa wapas palaT aae
wo ab un raston par hai jahan bas phul khilte hain
bulawe ki mere har ek sada wapas palaT aae
nae raste mubarak us ko lekin kuchh qadam baDh kar
bichhaDne ka mujhe de hausla wapas palaT aae
Source:
Aadhi Raat Ki Shabnam (Pg. 74)
- Author: Marghoob Ali
-
- Edition: 2001
- Publisher: Takhleeqkar Publishers
- Year of Publication: 2001
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
