agar tum rok do izhaar-e-lachaari karunga

agar tum rok do iz.hār-e-lāchārī karūñgā

jo kahnī hai magar vo baat maiñ saarī karūñgā

mirā dil bhar gayā bastī kī raunaq se sau ab maiñ

kisī jalte hue sahrā kī tayyārī karūñgā

sar-e-rāh tamannā ḳhaak Dālūñgā maiñ sar meñ

jo aañsū bujh ga.e un kī azā-dārī karūñgā

mujhe ab aa ga.e haiñ nafratoñ ke biij bone

so merā haq ye bantā hai ki sardārī karūñgā

maiñ le ā.ūñgā maidāñ meñ sabhī lafzoñ ke lashkar

aur un se lauh-e-fikr-o-fan pe purkārī karūñgā

ka.ī ġham aa ga.e haiñ haal merā pūchhne ko

maiñ ab is haal meñ kis kis kī dildārī karūñgā

agar tum rok do izhaar-e-lachaari karunga

jo kahni hai magar wo baat main sari karunga

mera dil bhar gaya basti ki raunaq se sau ab main

kisi jalte hue sahra ki tayyari karunga

sar-e-rah tamanna KHak Dalunga main sar mein

jo aansu bujh gae un ki aza-dari karunga

mujhe ab aa gae hain nafraton ke bij bone

so mera haq ye banta hai ki sardari karunga

main le aaunga maidan mein sabhi lafzon ke lashkar

aur un se lauh-e-fikr-o-fan pe purkari karunga

kai gham aa gae hain haal mera puchhne ko

main ab is haal mein kis kis ki dildari karunga