agar ye raat hasin hai to din jawan nikal

agar ye raat hasīñ hai to din javān nikāl

koī to rāsta donoñ ke darmiyān nikāl

ḳhudā ne joḌā banāyā hai har bashar ke liye

tū is jahān se apne liye jahān nikāl

na ek buuñd mirī chhat se Tapke ai me.amār

is ehtiyāt se chhat kī mire Dhalān nikāl

bahut salīs hai mujh ko halāl kar lenā

tū us kā zikr na kar aur merī jaan nikāl

kisī ke vasl se kāTūñ nahīñ maiñ us kā firāq

baġhair naql ḳhudā merā imtihān nikāl

tū dil meñ dard liye ḳhush nahīñ rahegā sun

agar sukūn tujhe chāhiye to maan nikāl

shanāḳht kar na sake merī merā mustaqbil

tū mere chehre se maazī ke sab nishān nikāl

agar ye raat hasin hai to din jawan nikal

koi to rasta donon ke darmiyan nikal

KHuda ne joDa banaya hai har bashar ke liye

tu is jahan se apne liye jahan nikal

na ek bund meri chhat se Tapke ai meamar

is ehtiyat se chhat ki mere Dhalan nikal

bahut salis hai mujh ko halal kar lena

tu us ka zikr na kar aur meri jaan nikal

kisi ke wasl se kaTun nahin main us ka firaq

baghair naql KHuda mera imtihan nikal

tu dil mein dard liye KHush nahin rahega sun

agar sukun tujhe chahiye to man nikal

shanaKHt kar na sake meri mera mustaqbil

tu mere chehre se mazi ke sab nishan nikal