agarche aah-e-sar-e-sham bhi zaruri hai
agarche āh-e-sar-e-shām bhī zarūrī hai
dil-e-sitam-zada ārām bhī zarūrī hai
sitam-shi.ār kī tafrīh-e-sāme.a ke liye
ḳharosh-e-murġh-e-tah-e-dām bhī zarūrī hai
ziyā-e-kirmak-e-shab-tāb hī nahīñ kaafī
sitāra-e-sahar-anjām bhī zarūrī hai
girāñ-bahā hai mabāhis kī shabnam-āgīnī
agarche burrish-e-samsām bhī zarūrī hai
baḌī hai baat to muñh bhī baḌā muhayyā kar
phir is ke saath baḌā naam bhī zarūrī hai
sukūt gul kā agar nā-guzīr hai 'ja.afar'
to andalīb kā kohrām bhī zarūrī hai
agarche aah-e-sar-e-sham bhi zaruri hai
dil-e-sitam-zada aaram bhi zaruri hai
sitam-shiar ki tafrih-e-samea ke liye
KHarosh-e-murgh-e-tah-e-dam bhi zaruri hai
ziya-e-kirmak-e-shab-tab hi nahin kafi
sitara-e-sahar-anjam bhi zaruri hai
giran-baha hai mabahis ki shabnam-agini
agarche burrish-e-samsam bhi zaruri hai
baDi hai baat to munh bhi baDa muhayya kar
phir is ke sath baDa nam bhi zaruri hai
sukut gul ka agar na-guzir hai 'jafar'
to andalib ka kohram bhi zaruri hai
Source:
Aqleem (Pg. 63)
- Author: Jafar Baloch
-
- Edition: 1986
- Publisher: Maktaba aalia, Urdu Bazar Lahore
- Year of Publication: 1986
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
