agarche tum sa banaya nahin gaya hun main

Faisal Nadeem Faisal

agarche tum sa banaya nahin gaya hun main

Faisal Nadeem Faisal

MORE BYFaisal Nadeem Faisal

    agarche tum banāyā nahīñ gayā huuñ maiñ

    magar banā ke miTāyā nahīñ gayā huuñ maiñ

    use ye dukh ki zamīñ tañg qāfiya mushkil

    mujhe ye dukh ki nibhāyā nahīñ gayā huuñ maiñ

    maiñ jis taraf se mukammal dikhā.ī detā huuñ

    usī taraf se dikhāyā nahīñ gayā huuñ maiñ

    ye inkisārī azal se mire ḳhamīr meñ hai

    jhukā huā huuñ jhukāyā nahīñ gayā huuñ maiñ

    ġhurūr lāzmī unsur thā is vazārat

    so ḳhud haTā huuñ haTāyā nahīñ gayā huuñ maiñ

    maiñ apnī zaat meñ ik mo'atabar havāla huuñ

    kisī ke saath milāyā nahīñ gayā huuñ maiñ

    maiñ mas.aloñ meñ filistīn huuñ magar 'faisal'

    kisī jagah pe uThāyā nahīñ gayā huuñ maiñ

    agarche tum sa banaya nahin gaya hun main

    magar bana ke miTaya nahin gaya hun main

    use ye dukh ki zamin tang qafiya mushkil

    mujhe ye dukh ki nibhaya nahin gaya hun main

    main jis taraf se mukammal dikhai deta hun

    usi taraf se dikhaya nahin gaya hun main

    ye inkisari azal se mere KHamir mein hai

    jhuka hua hun jhukaya nahin gaya hun main

    ghurur lazmi unsur tha is wazarat ka

    so KHud haTa hun haTaya nahin gaya hun main

    main apni zat mein ek mo'atabar hawala hun

    kisi ke sath milaya nahin gaya hun main

    main masalon mein filistin hun magar 'faisal'

    kisi jagah pe uThaya nahin gaya hun main

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY