ahd-e-gum-gashta ki nishani hun

ahd-e-gum-gashta kī nishānī huuñ

ek bhūlī huī kahānī huuñ

vo ḳhushī huuñ jo dard sulgā.e

aag jis se lage vo paanī huuñ

ek aañsū huuñ chashm-e-ishrat kā

ziist kā ranj-e-shādmānī huuñ

apnī barbādiyoñ pe yaad aayā

kitnī ābādiyoñ kā baanī huuñ

sīna-e-dasht par huuñ mauj-e-sarāb

ḳhushk dariyāoñ kī ravānī huuñ

ā.ina-ḳhāna-e-zamāna meñ

'aks apnā huuñ apnā saanī huuñ

ik tabassum kī aas meñ 'rāhī'

kab se mahrūm-e-shādmānī huuñ

ahd-e-gum-gashta ki nishani hun

ek bhuli hui kahani hun

wo KHushi hun jo dard sulgae

aag jis se lage wo pani hun

ek aansu hun chashm-e-ishrat ka

zist ka ranj-e-shadmani hun

apni barbaadiyon pe yaad aaya

kitni aabaadiyon ka bani hun

sina-e-dasht par hun mauj-e-sarab

KHushk dariyaon ki rawani hun

aaina-KHana-e-zamana mein

'aks apna hun apna sani hun

ek tabassum ki aas mein 'rahi'

kab se mahrum-e-shadmani hun