ahd-e-hazir ek machine aur us ka karinda hun main

Anwar Sadeed

ahd-e-hazir ek machine aur us ka karinda hun main

Anwar Sadeed

MORE BYAnwar Sadeed

    ahd-e-hāzir ik machine aur us kārinda huuñ maiñ

    reza reza ruuh merī hai magar zinda huuñ maiñ

    maiñ huuñ vo lamha jo muTThī meñ samā saktā nahīñ

    pal meñ huuñ imroz-o-māzī pal meñ ā.inda huuñ maiñ

    vo jo mujh ko pheñk aa.e bheḌiyoñ ke sāmne

    kyā gila-shikva ki un se aap sharminda huuñ maiñ

    mere lafzoñ meñ agar tāb-o-tavānā.ī nahīñ

    ai ḳhudā kyuuñ dahr meñ terā numā.inda huuñ maiñ

    maiñ jo kahtā huuñ samajhtā nahīñ koī use

    jaise malbe meñ dabī bastī bāshinda huuñ maiñ

    mere chehre par munaqqash is tarah tārīḳh hai

    jaise ik kohna ajā.ib ghar bāshinda huuñ maiñ

    ḳhaak huuñ lekin sarāpā nuur hai merā vajūd

    is zamīñ par chāñd sūraj numā.inda huuñ maiñ

    is jahāñ meñ maiñ masjūd-e-malā.ik thā 'sadīd'

    is jahāñ meñ aaj ke insāñ se sharminda huuñ maiñ

    ahd-e-hazir ek machine aur us ka karinda hun main

    reza reza ruh meri hai magar zinda hun main

    main hun wo lamha jo muTThi mein sama sakta nahin

    pal mein hun imroz-o-mazi pal mein aainda hun main

    wo jo mujh ko phenk aae bheDiyon ke samne

    kya gila-shikwa ki un se aap sharminda hun main

    mere lafzon mein agar tab-o-tawanai nahin

    ai KHuda kyun dahr mein tera numainda hun main

    main jo kahta hun samajhta hi nahin koi use

    jaise malbe mein dabi basti ka bashinda hun main

    mere chehre par munaqqash is tarah tariKH hai

    jaise ek kohna ajaib ghar ka bashinda hun main

    KHak hun lekin sarapa nur hai mera wajud

    is zamin par chand suraj ka numainda hun main

    is jahan mein main hi masjud-e-malaik tha 'sadid'

    is jahan mein aaj ke insan se sharminda hun main

    Source :
    • Book : Prinda Safar men (Pg. 63)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY