ahl-e-jahan ke sath wafa ya jafa karun

Lais Quraishi

ahl-e-jahan ke sath wafa ya jafa karun

Lais Quraishi

MORE BYLais Quraishi

    ahl-e-jahāñ ke saath vafā jafā karūñ

    merī samajh meñ kuchh nahīñ aatā hai kyā karūñ

    ye dard-e-dil to hāsil-e-umr-darāz hai

    maiñ is ko apnī zaat se kyuuñ kar judā karūñ

    duniyā yahī karegī to duniyā se peshtar

    majrūh kyuuñ na ḳhud maiñ apnī anā karūñ

    duniyā meñ kaun hai jo nahīñ hai mire ḳhilāf

    ik tum rah ga.e ho tumheñ bhī ḳhafā karūñ

    har zāviye se ziist ne rusvā kiyā mujhe

    kis ruḳh se apnī zaat ab sāmnā karūñ

    ehsān jo uThā.e haiñ auroñ ke vāste

    auroñ pe haiñ vo qarz magar maiñ adā karūñ

    āñkhoñ ko niiñd bhī rifāqat nahīñ nasīb

    maiñ sham.a to nahīñ ki sahar tak jalā karūñ

    hasrat rah ga.ī ki bahāroñ ke darmiyāñ

    tere baġhair bhī to kabhī ḳhush rahā karūñ

    begānagī ko chhoḌ ke fitrat bhī hañs paḌe

    aadam ke naam par koī aisī ḳhatā karūñ

    jab karb-e-āgahī meñ huuñ ai 'lais' āj-kal

    is karb-e-āgahī se kise āshnā karūñ

    ahl-e-jahan ke sath wafa ya jafa karun

    meri samajh mein kuchh nahin aata hai kya karun

    ye dard-e-dil to hasil-e-umr-daraaz hai

    main is ko apni zat se kyun kar juda karun

    duniya yahi karegi to duniya se peshtar

    majruh kyun na KHud hi main apni ana karun

    duniya mein kaun hai jo nahin hai mere KHilaf

    ek tum hi rah gae ho tumhein bhi KHafa karun

    har zawiye se zist ne ruswa kiya mujhe

    kis ruKH se apni zat ka ab samna karun

    ehsan jo uThae hain auron ke waste

    auron pe hain wo qarz magar main ada karun

    aankhon ko nind ki bhi rifaqat nahin nasib

    main shama to nahin ki sahar tak jala karun

    hasrat hi rah gai ki bahaaron ke darmiyan

    tere baghair bhi to kabhi KHush raha karun

    beganagi ko chhoD ke fitrat bhi hans paDe

    aadam ke nam par koi aisi KHata karun

    jab karb-e-agahi mein hun ai 'lais' aaj-kal

    is karb-e-agahi se kise aashna karun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY