ahl-e-tufan aao dil-walon ka afsana kahen

Majrooh Sultanpuri

ahl-e-tufan aao dil-walon ka afsana kahen

Majrooh Sultanpuri

MORE BYMajrooh Sultanpuri

    ahl-e-tūfāñ aao dil-vāloñ afsāna kaheñ

    mauj ko gesū bhañvar ko chashm-e-jānāna kaheñ

    daar par chaḌh kar lagā.eñ nāra-e-zulf-e-sanam

    sab hameñ bā-hosh samjheñ chāhe dīvāna kaheñ

    yār-e-nukta-dāñ kidhar hai phir chaleñ us ke huzūr

    zindagī ko dil kaheñ aur dil ko nazrāna kaheñ

    thāmeñ us but kalā.ī aur kaheñ is ko junūñ

    chuum leñ muñh aur ise andāz-e-rindāna kaheñ

    surḳhi-e-mai kam thī maiñ ne chhū liye saaqī ke hoñT

    sar jhukā hai jo bhī ab arbāb-e-mai-ḳhāna kaheñ

    tishnagī tishnagī hai kis ko kahiye mai-kada

    lab lab ham ne to dekhe kis ko paimāna kaheñ

    pāra-e-dil hai vatan sarzamīñ mushkil ye hai

    shahr ko vīrān is dil ko vīrāna kaheñ

    ai ruḳh-e-zebā batā de aur abhī ham kab talak

    tīrgī ko sham-e-tanhā.ī ko parvāna kaheñ

    aarzū rah ga.ī 'majrūh' kahte ham kabhī

    ik ġhazal aisī jise tasvīr-e-jānāna kaheñ

    ahl-e-tufan aao dil-walon ka afsana kahen

    mauj ko gesu bhanwar ko chashm-e-jaanana kahen

    dar par chaDh kar lagaen nara-e-zulf-e-sanam

    sab hamein ba-hosh samjhen chahe diwana kahen

    yar-e-nukta-dan kidhar hai phir chalen us ke huzur

    zindagi ko dil kahen aur dil ko nazrana kahen

    thamen us but ki kalai aur kahen is ko junun

    chum len munh aur ise andaz-e-rindana kahen

    surKHi-e-mai kam thi main ne chhu liye saqi ke honT

    sar jhuka hai jo bhi ab arbab-e-mai-KHana kahen

    tishnagi hi tishnagi hai kis ko kahiye mai-kada

    lab hi lab hum ne to dekhe kis ko paimana kahen

    para-e-dil hai watan ki sarzamin mushkil ye hai

    shahr ko viran ya is dil ko virana kahen

    ai ruKH-e-zeba bata de aur abhi hum kab talak

    tirgi ko sham-e-tanhai ko parwana kahen

    aarzu hi rah gai 'majruh' kahte hum kabhi

    ek ghazal aisi jise taswir-e-jaanana kahen

    RECITATIONS

    Majrooh Sultanpuri

    Majrooh Sultanpuri

    Majrooh Sultanpuri

    ahl-e-tufan aao dil-walon ka afsana kahen Majrooh Sultanpuri

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY