ahmaq nahin ki samjhen bura waqt Tal gaya
ahmaq nahīñ ki samjheñ burā vaqt Tal gayā
kuchh roz ke liye jo ye mausam badal gayā
yak-laḳht hañste log ye barham kyuuñ ho ga.e
shāyad mirī zabān se kuchh sach nikal gayā
raazī the ham to jaan bhī dene ke vāste
kam-zarf le ke dil hī hamārā machal gayā
kyā bolne ke hak kā uThā.egā fā.eda
jo bhuuk meñ zabān hī apnī nigal gayā
māñgegā jā.edād meñ hissa ye ek roz
filhāl chāhe le ke khilaune bahal gayā
ehsānmand chāhe hamārā na ho koī
par ham gire to saarā zamāna sambhal gayā
kāñToñ pe ehtiyāt se chaltā thā aadmī
in chamchamāte farshoñ pe 'jānib' phisal gayā
ahmaq nahin ki samjhen bura waqt Tal gaya
kuchh roz ke liye jo ye mausam badal gaya
yak-laKHt hanste log ye barham kyun ho gae
shayad meri zaban se kuchh sach nikal gaya
raazi the hum to jaan bhi dene ke waste
kam-zarf le ke dil hi hamara machal gaya
kya bolne ke hak ka uThaega faeda
jo bhuk mein zaban hi apni nigal gaya
mangega jaedad mein hissa ye ek roz
filhaal chahe le ke khilaune bahal gaya
ehsanmand chahe hamara na ho koi
par hum gire to sara zamana sambhal gaya
kanTon pe ehtiyat se chalta tha aadmi
in chamchamate farshon pe 'jaanib' phisal gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
