ahwal mera puchhne aate bhi nahin hain

Haidar Jafri

ahwal mera puchhne aate bhi nahin hain

Haidar Jafri

MORE BYHaidar Jafri

    ahvāl mirā pūchhne aate bhī nahīñ haiñ

    kis haal meñ ḳhud haiñ ye batāte bhī nahīñ haiñ

    vaise to basāte nahīñ dil meñ kisī ko

    par jis ko basāyā hai bhulāte bhī nahīñ haiñ

    ham milte nahīñ un se ye un ko hai shikāyat

    aur ḳhud vo mohabbat se bulāte bhī nahīñ haiñ

    chāhe na bulānā to na bulvā.e vo lekin

    yuuñ ḳhud se magar duur bhagāte bhī nahīñ haiñ

    dil se maiñ kiyā kartā huuñ un logoñ izzat

    jo nekiyāñ karte haiñ jatāte bhī nahīñ hai

    un ko bhī sadā mujh se mohabbat hai da.avā

    hoñToñ pe mirā naam jo laate bhī nahīñ haiñ

    jin taur tarīqoñ ko vafā kahte haiñ ab log

    vo taur tarīqe hameñ aate bhī nahīñ haiñ

    bas dard ke tanhā.ī ke ashkoñ se sivā ab

    āshiq yahāñ kuchh aur to paate bhī nahīñ haiñ

    jis tarah ke ahbāb ḳhudā ne diye 'haidar'

    aise mire rishte mire naate bhī nahīñ haiñ

    ahwal mera puchhne aate bhi nahin hain

    kis haal mein KHud hain ye batate bhi nahin hain

    waise to basate hi nahin dil mein kisi ko

    par jis ko basaya hai bhulate bhi nahin hain

    hum milte nahin un se ye un ko hai shikayat

    aur KHud wo mohabbat se bulate bhi nahin hain

    chahe na bulana to na bulwae wo lekin

    yun KHud se magar dur bhagate bhi nahin hain

    dil se main kiya karta hun un logon ki izzat

    jo nekiyan karte hain jatate bhi nahin hai

    un ko bhi sada mujh se mohabbat ka hai dawa

    honTon pe mera nam jo late bhi nahin hain

    jin taur tariqon ko wafa kahte hain ab log

    wo taur tariqe hamein aate bhi nahin hain

    bas dard ke tanhai ke ashkon se siwa ab

    aashiq yahan kuchh aur to pate bhi nahin hain

    jis tarah ke ahbab KHuda ne diye 'haidar'

    aise mere rishte mere nate bhi nahin hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY