ai aabla-pa aur bhi raftar zara tez

ai ābla-pā aur bhī raftār zarā tez

is dasht-e-pur-asrār meñ chaltī hai havā tez

āsār to kuchh aise ḳhatarnāk nahīñ the

kyā jāniye kis tarah ye tūfān huā tez

kuchh abr-o-havā barq-o-sharar se nahīñ matlab

is daur-e-pur-āshob meñ har shai hai sivā tez

kyā mauj-e-suḳhan kyā nafas-e-sā.eqa-parvar

bas ye hai ki ho jaatī hai āvāz-e-anā tez

uThte haiñ sar-e-rāh jahāñ zard bagūle

hotā hai vahīñ raqs-e-junūñ aur sivā tez

shāyad ki rag-e-jāñ meñ lahū zinda hai ab tak

aksar dar-e-zindāñ se ubhartī hai sadā tez

taqdīr-e-mohabbat bhī badal jā.egī 'nāmī'

un hāthoñ pe ho jaa.e zarā rañg-e-hinā tez

ai aabla-pa aur bhi raftar zara tez

is dasht-e-pur-asrar mein chalti hai hawa tez

aasar to kuchh aise KHatarnak nahin the

kya jaaniye kis tarah ye tufan hua tez

kuchh abr-o-hawa barq-o-sharar se nahin matlab

is daur-e-pur-ashob mein har shai hai siwa tez

kya mauj-e-suKHan kya nafas-e-saeqa-parwar

bas ye hai ki ho jati hai aawaz-e-ana tez

uThte hain sar-e-rah jahan zard bagule

hota hai wahin raqs-e-junun aur siwa tez

shayad ki rag-e-jaan mein lahu zinda hai ab tak

aksar dar-e-zindan se ubharti hai sada tez

taqdir-e-mohabbat bhi badal jaegi 'nami'

un hathon pe ho jae zara rang-e-hina tez