ai bagule ke libaade mein samai hui ret

Haris Bilal

ai bagule ke libaade mein samai hui ret

Haris Bilal

MORE BYHaris Bilal

    ai bagūle ke libāde meñ samā.ī huī ret

    saath rakh le mujhe ai vajd meñ aa.ī huī ret

    taaki sūraj qarīñ aa.e to ye sahrā ho jaa.e

    sau samundar tale us ne hai bichā.ī huī ret

    baiThe baiThe mujhe chaurāhā banā detī hai

    chaar samtoñ se mirī samt uḌaa.ī huī ret

    sham-e-bīnā.ī muñDeroñ safar kartī rahī

    dil uḌātā rahā āñkhoñ meñ basā.ī huī ret

    ghar buniyād meñ ārām nahīñ kartī hai

    ai mire dost ye Tīloñ se uThā.ī huī ret

    har chamaktā huā zarra hai sitāra 'hāris'

    āsmāñ hai mire qadmoñ meñ bichā.ī huī ret

    ai bagule ke libaade mein samai hui ret

    sath rakh le mujhe ai wajd mein aai hui ret

    taki suraj qarin aae to ye sahra ho jae

    sau samundar tale us ne hai bichai hui ret

    baiThe baiThe mujhe chauraha bana deti hai

    chaar samton se meri samt uDai hui ret

    sham-e-binai munDeron ka safar karti rahi

    dil uData raha aankhon mein basai hui ret

    ghar ki buniyaad mein aaram nahin karti hai

    ai mere dost ye Tilon se uThai hui ret

    har chamakta hua zarra hai sitara 'haaris'

    aasman hai mere qadmon mein bichai hui ret

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY