ai but-e-na-ashna kab tujhse begane hain hum

ai but-e-nā-āshnā kab tujh se begāne haiñ ham

tū agar is bazm meñ mai hai to paimāne haiñ ham

bosa leveñ yā gale lag jaa.eñ āzurda na ho

chāhne vaale haiñ aur dīvāne mastāne haiñ ham

kab alam aur hasrateñ apnī kaheñ ai dostāñ

raat ko bulbul haiñ ham aur din ko parvāne haiñ ham

ghūrne se kyā tumhārī āñkhoñ ke ham Dar ga.e

ve agar haiñ mast ai pyāre to dīvāne haiñ ham

ai 'razā' ham mil ga.e us se gale pī kar sharāb

go haiñ dīvāne par apne kaam ke syāne haiñ ham

ai but-e-na-ashna kab tujh se begane hain hum

tu agar is bazm mein mai hai to paimane hain hum

bosa lewen ya gale lag jaen aazurda na ho

chahne wale hain aur diwane mastane hain hum

kab alam aur hasraten apni kahen ai dostan

raat ko bulbul hain hum aur din ko parwane hain hum

ghurne se kya tumhaari aankhon ke hum Dar gae

we agar hain mast ai pyare to diwane hain hum

ai 'raza' hum mil gae us se gale pi kar sharab

go hain diwane par apne kaam ke syane hain hum