aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ai dida-e-giryan kya kahiye is pyar-bhare afsane ko

Qateel Shifai

ai dida-e-giryan kya kahiye is pyar-bhare afsane ko

Qateel Shifai

MORE BYQateel Shifai

    ai dīda-e-giryāñ kyā kahiye is pyār-bhare afsāne ko

    ik sham.a jalī bujhne ke liye ik phuul khilā murjhāne ko

    maiñ apne pyaar diip liye āfāq meñ har-sū ghuum gayā

    tum duur kahīñ pahuñche the ākāsh pe bahlāne ko

    vo phuul se lamhe bhārī haiñ ab yaad ke nāzuk shānoñ par

    jo pyaar se tum ne sauñpe the āġhāz meñ ik dīvāne ko

    ik saath fanā ho jaane se ik jashn to barpā hotā hai

    yuuñ tanhā jalnā Thiik nahīñ samjhā.e koī parvāne ko

    maiñ raat bhed to kholūñgā jab niiñd na mujh ko aa.egī

    kyuuñ chāñd sitāre aate haiñ har raat mujhe samjhāne ko

    ai dida-e-giryan kya kahiye is pyar-bhare afsane ko

    ek shama jali bujhne ke liye ek phul khila murjhane ko

    main apne pyar ka dip liye aafaq mein har-su ghum gaya

    tum dur kahin ja pahunche the aakash pe ji bahlane ko

    wo phul se lamhe bhaari hain ab yaad ke nazuk shanon par

    jo pyar se tum ne saunpe the aaghaz mein ek diwane ko

    ek sath fana ho jaane se ek jashn to barpa hota hai

    yun tanha jalna Thik nahin samjhae koi parwane ko

    main raat ka bhed to kholunga jab nind na mujh ko aaegi

    kyun chand sitare aate hain har raat mujhe samjhane ko

    Source:

    kalam-e-qateel shifai (Pg. 72)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now