ai dil hua hai jaise mere dil ko tu pasand

ai dil huā hai jaise mire dil ko tū pasand

aaya koī hasīn na tire rū-ba-rū pasand

Tāñke lagāo halq pe ḳhanjar ko pher kar

phir ye kaho hameñ hai ye tauq-e-gulū pasand

īmān se ḳhudā ke liye tū hī sach batā

vaa.iz kisī ko bhī hai tirī guftugū pasand

aafat hai zamzama to ġhazab gaTkarī kī taan

kyoñ ho na mujh ko tujh sā but-e-ḳhush-gulū pasand

dard-e-firāq meñ dil-e-sad-chāk ko mire

tār-e-nigāh-e-yār hai bahr-e-rafū pasand

roz-e-alast se huuñ maiñ sarshār vā.izo

kyoñ ho na mujh ko bāda-o-jām-o-subū pasand

dard-e-firāq-e-dost pe marte haiñ dil jigar

donoñ ko hai bas ek yahī aarzū pasand

dekhūñgā aañkh uuThā ke na maiñ huur kī taraf

mar kar bhī haañ rahegī yahī aarzū pasand

jhūTī mile sharāb jo us but kī sāqiyā

kyoñ ho na zāhidoñ ko vo bahr-e-vuzū pasand

abrū se go laḌā kabhī tīr-e-nigāh se

dil ko hai mere jang ye ai jang-jū pasand

ai dil hua hai jaise mere dil ko tu pasand

aaya koi hasin na tere ru-ba-ru pasand

Tanke lagao halq pe KHanjar ko pher kar

phir ye kaho hamein hai ye tauq-e-gulu pasand

iman se KHuda ke liye tu hi sach bata

waiz kisi ko bhi hai teri guftugu pasand

aafat hai zamzama to ghazab gaTkari ki tan

kyon ho na mujh ko tujh sa but-e-KHush-gulu pasand

dard-e-firaq mein dil-e-sad-chaak ko mere

tar-e-nigah-e-yar hai bahr-e-rafu pasand

roz-e-alast se hun main sarshaar waizo

kyon ho na mujh ko baada-o-jam-o-subu pasand

dard-e-firaq-e-dost pe marte hain dil jigar

donon ko hai bas ek yahi aarzu pasand

dekhunga aankh uTha ke na main hur ki taraf

mar kar bhi han rahegi yahi aarzu pasand

jhuTi mile sharab jo us but ki saqiya

kyon ho na zahidon ko wo bahr-e-wuzu pasand

abru se go laDa kabhi tir-e-nigah se

dil ko hai mere jang ye ai jang-ju pasand