ai dil pachan tan ko tera hai sira yahi

ai dil pachān tan ko terā hai sirā yahī

maavā yahī ma.aad yahī multajā yahī

pahchān le tū jiine tak is tan kī māhiyat

maqsad yahī murād yahī mudda.ā yahī

nābūj apne tan ko hue haiñ bahut ḳharāb

ġhaflat yahī hijāb yahī aur 'amā yahī

kāmil haiñ ma.arifat meñ vo kahte haiñ tan kī baat

mabdā yahī ma.aad yahī muntahā yahī

hai tājirān-e-tāliq-e-ma.anī ko be-gumāñ

dariyā yahī jahāz yahī nāḳhudā yahī

jo tālibān-e-naqd-e-haqīqat haiñ un ke ta.iiñ

paars yahī tajjār yahī kīmiyā yahī

jāma.a hai tan tirā ye majāz-e-haqīq hai

paanī yahī sarāb yahī aur havā yahī

is tan ko haq samajh ke tū mashġhūl rah mudām

roza yahī namāz yahī aur duā yahī

kahtā hai 'mīr' piir ke irshād suuñ na aap

allāh yahī rasūl yahī rahnumā yahī

ai dil pachan tan ko tera hai sira yahi

mawa yahi maad yahi multaja yahi

pahchan le tu jine tak is tan ki mahiyat

maqsad yahi murad yahi muddaa yahi

nabuj apne tan ko hue hain bahut KHarab

ghaflat yahi hijab yahi aur 'ama yahi

kaamil hain marifat mein wo kahte hain tan ki baat

mabda yahi maad yahi muntaha yahi

hai tajiran-e-taliq-e-mani ko be-guman

dariya yahi jahaz yahi naKHuda yahi

jo taliban-e-naqd-e-haqiqat hain un ke tain

pars yahi tajjar yahi kimiya yahi

jama hai tan tera ye majaz-e-haqiq hai

pani yahi sarab yahi aur hawa yahi

is tan ko haq samajh ke tu mashghul rah mudam

roza yahi namaz yahi aur dua yahi

kahta hai 'mir' pir ke irshad sun na aap

allah yahi rasul yahi rahnuma yahi