ai dil tere KHayal ki duniya kahan se laen

ai dil tire ḳhayāl kī duniyā kahāñ se laa.eñ

in vahshatoñ ke vāste sahrā kahāñ se laa.eñ

hasrat to hai yahī ki ho duniyā se dil ko mel

ho jis se dil ko mel vo duniyā kahāñ se laa.eñ

dekhā thā jo nihāl-e-tamannā ke saa.e meñ

ai be-dilī vo dil dil-e-afzā kahāñ se laa.eñ

raushan the jo kabhī vo nazāre kidhar ga.e

barpā thā jo kabhī vo tamāshā kahāñ se laa.eñ

kyā us nigāh-e-hausla-afzā ko deñ javāb

gum kar diyā jise vo tamannā kahāñ se laa.eñ

hai lutf-e-dost harf-e-taqāzā kā muntazir

ai bebasī majāl-e-tamannā kahāñ se laa.eñ

'haqqī' bahut hai kār-e-junūñ dasht-e-zīst meñ

āsūdgān-e-rāh vo saudā kahāñ se laa.eñ

ai dil tere KHayal ki duniya kahan se laen

in wahshaton ke waste sahra kahan se laen

hasrat to hai yahi ki ho duniya se dil ko mel

ho jis se dil ko mel wo duniya kahan se laen

dekha tha jo nihaal-e-tamanna ke sae mein

ai be-dili wo dil dil-e-afza kahan se laen

raushan the jo kabhi wo nazare kidhar gae

barpa tha jo kabhi wo tamasha kahan se laen

kya us nigah-e-hausla-afza ko den jawab

gum kar diya jise wo tamanna kahan se laen

hai lutf-e-dost harf-e-taqaza ka muntazir

ai bebasi majal-e-tamanna kahan se laen

'haqqi' bahut hai kar-e-junun dasht-e-zist mein

aasudgan-e-rah wo sauda kahan se laen