ai dil teri aahon mein itna to asar aae

Zaki kakorvi

ai dil teri aahon mein itna to asar aae

Zaki kakorvi

MORE BYZaki kakorvi

    ai dil tirī aahoñ meñ itnā to asar aa.e

    jab yaad karūñ un tasvīr nazar aa.e

    har chand hasīñ the tum har chand javāñ the tum

    par ishq ke saa.e meñ kuchh aur nikhar aa.e

    maiñ khel samajhtā thā mujh ko ye ḳhabar kyā thī

    kyā jāniye kab mere dil meñ vo utar aa.e

    us husn ke jalvoñ ne kuchh sehr kiyā aisā

    nazroñ meñ na merī phir kuchh shams-o-qamar aa.e

    phir kis se mileñ nazreñ phir kis ne mujhe chheḌā

    phir daur-e-mohabbat ke sab naqsh ubhar aa.e

    tūfān-e-havādis ne kab kab na hameñ gherā

    dariyā-e-mohabbat meñ kyā kyā na bhañvar aa.e

    halkī siyāhī hai tahrīr-e-mohabbat

    aañsū jagah bah kar phir ḳhūn-e-jigar aa.e

    manzil tamannā ne rukne na diyā us ko

    raste meñ musāfir ke go laakh shajar aa.e

    pur-ḳhār thiiñ vīrāñ thiiñ rāheñ to mohabbat

    jāñbāz tire lekin be-ḳhauf-o-ḳhatar aa.e

    go laakh kahā dil ne ruk jaao Thahar jaao

    ham phir bhī na jaane kyuuñ chup-chāp guzar aa.e

    kyā aur na thā koī jo un ko samajh paatā

    bāzār-e-jihālat meñ kyuuñ ahl-e-hunar aa.e

    is daur-e-taraqqī meñ bas vo hai 'zakī' achchhā

    jo sīdhe ulTe har kaam ko kar aa.e

    ai dil teri aahon mein itna to asar aae

    jab yaad karun un ki taswir nazar aae

    har chand hasin the tum har chand jawan the tum

    par ishq ke sae mein kuchh aur nikhar aae

    main khel samajhta tha mujh ko ye KHabar kya thi

    kya jaaniye kab mere dil mein wo utar aae

    us husn ke jalwon ne kuchh sehr kiya aisa

    nazron mein na meri phir kuchh shams-o-qamar aae

    phir kis se milen nazren phir kis ne mujhe chheDa

    phir daur-e-mohabbat ke sab naqsh ubhar aae

    tufan-e-hawadis ne kab kab na hamein ghera

    dariya-e-mohabbat mein kya kya na bhanwar aae

    halki si siyahi hai tahrir-e-mohabbat ki

    aansu ki jagah bah kar phir KHun-e-jigar aae

    manzil ki tamanna ne rukne na diya us ko

    raste mein musafir ke go lakh shajar aae

    pur-KHar thin viran thin rahen to mohabbat ki

    jaanbaz tere lekin be-KHauf-o-KHatar aae

    go lakh kaha dil ne ruk jao Thahar jao

    hum phir bhi na jaane kyun chup-chap guzar aae

    kya aur na tha koi jo un ko samajh pata

    bazar-e-jihaalat mein kyun ahl-e-hunar aae

    is daur-e-taraqqi mein bas wo hai 'zaki' achchha

    jo sidhe ya ulTe hi har kaam ko kar aae

    Source :
    • Saaz-e-dil
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY