ai dost talattuf sin mere haal kun aa dekh

ai dost talattuf siiñ mire haal kuuñ aa dekh

siine kī agan mehr ke paanī siiñ bujhā dekh

sādiq huuñ mujhe bul-havas ai jaan tuuñ mat jaan

shamshīr-e-taġhāful dil-e-zaḳhmī pe chalā dekh

pyāsā huuñ tirī teġh ke paanī kā har ik dam

bāvar nahīñ ye baat to yak-bār pilā dekh

mujh aah kī garmī siiñ jhaḌe phuul chaman ke

ai sarv-e-gulistān-e-adā baaġh meñ jā dekh

banda huuñ tirā ḳhvāh karam ḳhvāh jafā kar

jis tarz tire shauq meñ hue mujh kuuñ jalā dekh

naqd-e-dil-e-ḳhālis kuuñ mirī qalb tuuñ mat jaan

hai tujh kuuñ agar shubah to kas dekh tapā dekh

tujh lab ke tabassum meñ hai ejāz-e-masīhā

ai jān-e-'sirāj' is dil-e-be-jāñ kuuñ jalā dekh

ai dost talattuf sin mere haal kun aa dekh

sine ki agan mehr ke pani sin bujha dekh

sadiq hun mujhe bul-hawas ai jaan tun mat jaan

shamshir-e-taghaful dil-e-zaKHmi pe chala dekh

pyasa hun teri tegh ke pani ka har ek dam

bawar nahin ye baat to yak-bar pila dekh

mujh aah ki garmi sin jhaDe phul chaman ke

ai sarw-e-gulistan-e-ada bagh mein ja dekh

banda hun tera KHwah karam KHwah jafa kar

jis tarz tere shauq mein hue mujh kun jala dekh

naqd-e-dil-e-KHalis kun meri qalb tun mat jaan

hai tujh kun agar shubah to kas dekh tapa dekh

tujh lab ke tabassum mein hai ejaz-e-masiha

ai jaan-e-'siraj' is dil-e-be-jaan kun jala dekh