ai falak chahiye ji-bhar ke nazara hum ko

ai falak chāhiye jī-bhar ke nazāra ham ko

jā ke aanā nahīñ duniyā meñ dobāra ham ko

kabhī iimā na kināya na ishāra ham ko

kam-nigāhī ne tirī jaan se maarā ham ko

ham kisī zulf-e-pareshāñ kī tarah ai taqdīr

ḳhuub bigḌe the magar ḳhuub sañvārā ham ko

jab khiñche un se hue aur ziyāda muztar

maraz-e-ishq ke parhez ne maarā ham ko

roz takrār kare kaun ḳharīdāroñ se

dil kī is garmī-e-bāzār ne maarā ham ko

aap se ab na banegā koī saudā apnā

pher diije dil-e-betāb hamārā ham ko

bahr-e-hastī meñ hue kashtī-e-tūfānī ham

nahīñ miltā kahīñ ai 'dāġh' kināra ham ko

ai falak chahiye ji-bhar ke nazara hum ko

ja ke aana nahin duniya mein dobara hum ko

kabhi ima na kinaya na ishaara hum ko

kam-nigahi ne teri jaan se mara hum ko

hum kisi zulf-e-pareshan ki tarah ai taqdir

KHub bigDe the magar KHub sanwara hum ko

jab khinche un se hue aur ziyaada muztar

maraz-e-ishq ke parhez ne mara hum ko

roz takrar kare kaun KHaridaron se

dil ki is garmi-e-bazar ne mara hum ko

aap se ab na banega koi sauda apna

pher dije dil-e-betab hamara hum ko

bahr-e-hasti mein hue kashti-e-tufani hum

nahin milta kahin ai 'dagh' kinara hum ko