ai ghairat-e-gham aankh meri nam to nahin hai
ai ġhairat-e-ġham aañkh mirī nam to nahīñ hai
koī dil-e-ḳhūñ-gashta kā mahram to nahīñ hai
riste hue zaḳhmoñ kā ho kuchh aur mudāvā
ye harf-e-tasallī koī marham to nahīñ hai
ḳhāmosh haiñ kyuuñ nāla-kshān-e-shab-e-hijrāñ
ye tīra-shabī aaj bhī kuchh kam to nahīñ hai
jaltā to hai dil aaj bhī ai tīrgī-e-ġham
ik sham.a kī lau aaj bhī maddham to nahīñ hai
us bazm meñ sab kuchh hai magar ai dil-e-pur-shauq
terī sī talab terā sā aalam to nahīñ hai
kuchh vo bhī haiñ chup-chāp se kuchh maiñ bhī huuñ ḳhāmosh
dar-parda koī ranjish-e-bāham to nahīñ hai
ai ghairat-e-gham aankh meri nam to nahin hai
koi dil-e-KHun-gashta ka mahram to nahin hai
riste hue zaKHmon ka ho kuchh aur mudawa
ye harf-e-tasalli koi marham to nahin hai
KHamosh hain kyun nala-kshan-e-shab-e-hijran
ye tira-shabi aaj bhi kuchh kam to nahin hai
jalta to hai dil aaj bhi ai tirgi-e-gham
ek shama ki lau aaj bhi maddham to nahin hai
us bazm mein sab kuchh hai magar ai dil-e-pur-shauq
teri si talab tera sa aalam to nahin hai
kuchh wo bhi hain chup-chap se kuchh main bhi hun KHamosh
dar-parda koi ranjish-e-baham to nahin hai
Source:
Kulliyat-e-Jazbi (Pg. 156)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
