aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ai ham-nafas us zulf ke afsane ko mat chheD

Waliullah Muhib

ai ham-nafas us zulf ke afsane ko mat chheD

Waliullah Muhib

MORE BYWaliullah Muhib

    ai ham-nafas us zulf ke afsāne ko mat chheḌ

    bas silsila jumbāñ na ho dīvāne ko mat chheḌ

    jis rañg se hai dil meñ mire ishq ruḳh-e-yār

    nāseh na ho dīvāna parī-ḳhāne ko mat chheḌ

    vo sham-e-majālis to hai fānūs meñ raushan

    ai ishq mujh soḳhta parvāne ko mat chheḌ

    to aap hai paimāñ-shikan is daur meñ saaqī

    kahtā hai mujhe bazm meñ paimāne ko mat chheḌ

    tarvār se kyā ham ko Darātā hai miyāñ

    yaañ aap se maujūd haiñ mar jaane ko mat chheḌ

    hamdam na kah us vaqt ki bose talab kar

    majlis meñ mujhe gāliyāñ dilvāne ko mat chheḌ

    manzūr agar chheḌ hañsī hai to pyāre

    hote 'muhib' apne ke to begāne ko mat chheḌ

    ai ham-nafas us zulf ke afsane ko mat chheD

    bas silsila jumban na ho diwane ko mat chheD

    jis rang se hai dil mein mere ishq ruKH-e-yar

    naseh na ho diwana pari-KHane ko mat chheD

    wo sham-e-majalis to hai fanus mein raushan

    ai ishq tu mujh soKHta parwane ko mat chheD

    to aap hai paiman-shikan is daur mein saqi

    kahta hai mujhe bazm mein paimane ko mat chheD

    tarwar se kya hum ko Daraata hai miyan ja

    yan aap se maujud hain mar jaane ko mat chheD

    hamdam na kah us waqt ki bose ki talab kar

    majlis mein mujhe galiyan dilwane ko mat chheD

    manzur agar chheD hansi ki hai to pyare

    hote 'muhib' apne ke to begane ko mat chheD

    Source:

    Deewan-e-Waleeullah Muhib (Pg. e-183 p-182)

    • Author: Waliullah Muhib
      • Edition: 1999
      • Publisher: Sangat Publishers, Lahore
      • Year of Publication: 1999
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now